ஐதராபாத்தை வீழ்த்தி பெங்களூரு அணி வெற்றி

ஐதராபாத் சன் ரைசர்ஸ்-பெங்களூரு ராயல் சேலஞ்சர்ஸ்  ஆகியவற்ருக்கிடையில் துபாயில் நேற்று இரவு நடந்த 3-வது லீக் ஆட்டத்தில்  பெங்களூரு 10 ஓட்டத்தால் வெற்றி பெற்றது. ஐதராபாத் அணியில் பிரியம் கார்க் அறிமுக வீரராக இடம் பிடித்தார். பெங்களூரு அணியில் பார்த்தீவ் பட்டேலுக்கு இடம் கிடைக்கவில்லை. அவருக்கு பதிலாக ஜோஷ் பிலிப் சேர்க்கப்பட்டார்.

முதலில் துடுப்பெடுத்தாடிய பெங்களூரு 5 விக்கெட்களை இழந்து 163 ஓட்டங்கள் எடுத்தது.  164 எனும் வெற்றி இலக்குடன் களம் இறங்கிய ராஜஸ்தான் 153 ஓட்டங்கள் எடுத்தது.

நாணயச்சுழற்சியில் வெற்றி பெற்ற. ஐதராபாத் அணியின் கப்டன் டேவிட் வார்னர்  களத்தடுப்பைத் தேர்வு செய்தார்.

  பெங்களூரு அணியின் தொடக்க ஆட்டக்காரராக இளம் அறிமுக வீரர் தேவ்தத் படிக்கல், ஆரோன் பிஞ்சுடன் இணைந்து களம் இறங்கினார். இருவரும் நிதானமாகவும், நேர்த்தியாகவும் ஆடி நல்ல தொடக்கம் ஏற்படுத்தினார்கள். நடராஜன் வீசிய ஒரு ஓவரில் தேவ்தத் படிக்கல் 3 பவுண்டரிகள் விளாசினார். பவர்பிளேயில் (முதல் 6 ஓவர்) அந்த அணி விக்கெட் இழப்பின்றி 53 ஓட்டங்கள் எடுத்தது. ரஷித் கான் வீசிய ஓவர் ஒன்றில் ஆரோன் பிஞ்ச் அடுத்தடுத்து பவுண்டரி, சிக்சருக்கு பந்தை விரட்டியடித்தார்.

11 ஓவர்களில் 90  ஓட்டங்கள் உயர்ந்த போது தொடக்க ஜோடி பிரிந்தது. தேவ்தத் படிக்கல் 56ஓட்டங்களில் (42 பந்து, 8 பவுண்டரி) விஜய்சங்கர் பந்து வீச்சில்  விக்கெட்டை இழந்தார். அடுத்த ஓவரில் ஆரோன் பிஞ்ச் 29 ஓட்டங்களில் (27 பந்து, ஒரு பவுண்டரி, 2 சிக்சர்) அபிஷேக் ஷர்மா பந்து வீச்சில் எல்.பி.டபிள்யூ. முறையில் ஆட்டம் இழந்தார். இதனை தொடர்ந்து கப்டன் விராட்கோலி 13 பந்தில் 14 ஓட்டங்கள் எடுத்த நிலையில் நடராஜன் பந்து வீச்சில் பிடி கொடுத்து வெளியேறினார்.

இதனை அடுத்து ஷிவம் துபே, டிவில்லியர்சுடன் ஜோடி சேர்ந்தார். அதிரடியாக ஆடிய டிவில்லியர்ஸ் (51 ஓட்டங்கள், 30 பந்து, 4 பவுண்டரி, 2 சிக்சர்) கடைசி ஓவரில் ‘ரன்-அவுட்’ ஆனார். அதே ஓவரில் கடைசி பந்தில் ஷிவம் துபே (7 ஓட்டங்கள்) ‘ரன்-அவுட்’  முறையில் ஆட்டமிழந்தார். 20 ஓவர்களில் பெங்களூரு அணி 5 விக்கெட் இழப்புக்கு 163 ரன்கள் எடுத்தது. ஜோஷ் பிலிப் 1  ஓட்டத்துடன் ஆட்டம் இழக்காமல் இருந்தார்.

 164 ஓட்டங்கள் எடுத்தால் வெற்றி என்ற இலக்குடன் ஆடிய ஐதராபாத் அணியின் தொடக்க ஆட்டக்காரரான கப்டன் டேவிட் வார்னர் 2-வது ஓவரில் 6 ஓட்டங்கலில் ‘ரன்-அவுட்’ ஆனார். மனிஷ் பாண்டே, ஜானி பேர்ஸ்டோவுடன் இணைந்தார். இந்த ஜோடி நிலைத்து நின்று ஆடியது. மனிஷ் பாண்டே, 3 பவுண்டரி, ஒரு சிக்சருடன் 34 ஓட்டங்கள் எடுத்த நிலையில் யுஸ்வேந்திர சாஹல் பந்து வீச்சில் பிடிகொடுத்து ஆட்டமிழந்தார்.

சிறப்பாக ஆடிய பேர்ஸ்டோ 61 ஓட்டங்களில் (43 பந்து, 6 பவுண்டரி, 2 சிக்சர்) யுஸ்வேந்திர சாஹல் பந்து வீச்சில் விக்கெட்டை இழந்தார்.. அதன் பிறகு விக்கெட்டுகள் வேகமாக சரிந்தன. அடுத்து வந்த விஜய் சங்கர் விக்கெட்டை சாஹல் முதல் பந்திலேயே கைப்பற்றினார். பிரியம் கார்க் 12 ஓட்டங்களுடனும், அபிஷேக் வர்மா 7 ஓட்டங்களிலும், புவனேஷ்வர்குமார் ஓட்டம்  எதுவும் எடுக்காமலும், ரஷித் கான் 6 ஓட்டங்கள் எடுத்து ஆட்டமிழந்தார். பந்து வீச்சின் போது காயமடைந்த போதும் காயத்தை பொருட்படுத்தாமல் இறங்கிய மிட்செல் மார்ஷ்  ஓட்டம் எதுவும் எடுக்காமலும், சந்தீப் ஷர்மா 9 ஓட்டங்களிலும் அடுத்தடுத்து ஆட்டம் இழந்தனர்.

19.4 ஓவர்களில் சகல விக்கெட்களையும் இழந்த ஐதராபாத் அணி  153  ஓட்டங்கள் எடுத்தது.. இதனால் பெங்களூரு அணி 10 ஓட்ட வித்தியாசத்தில் வெற்றி பெற்றது.வித்தியாசத்தில் வெற்றி பெற்றது.  18 ஓட்டங்களைக் கொடுத்து மூன்று விக்கெட்களை வீழ்த்திய சாஹல் ஆட்ட நாயகன் விருது பெற்றார்

ஐதராபாத் 2 விக்கெட் இழப்பிற்கு 121 ஓட்டங்கள் எடுத்திருந்தது. அதன்பின் 32 ஓட்டங்களை எடுப்பதற்குள் 8 விக்கெட்டுகளை இழந்து தோல்வியை சந்தித்தது

2016 ஆம் ஆண்டுக்குப் பின்னர் தொடக்க ஆட்டத்தில் பெங்களூரு வெற்றி பெற்றது.