ஹற்றன் – கொழும்பு பிரதான வீதி மீண்டும் தாழிறக்கம்

இலங்கையில் ஏற்பட்டுள்ள சீரற்ற காலநிலையினை தொடர்ந்து நாட்டின் பல பகுதிகளிலும் மழை பெய்து வருகிறது. இந்நிலையில் கடந்த சில தினங்களாக நுவரெலியா மாவட்டத்திலும் பல இடங்களில் மழை வீழ்ச்சி பதிவாகியுள்ளது.

இந்நிலையில் ஹற்றன் – கொழும்பு பிரதான வீதியில் குயில்வத்தை 66 மைல் கல்லுக்கு அருகாமையில் உள்ள வீதியின் ஒரு பகுதி மீண்டும் தாழிறக்கத்திற்குட்பட்டுள்ளது.

இவ்விடம் கடந்த ஒரு சில மாதங்களுக்கு முன் தாழிறங்கியிருந்தது . எனினும் உரிய முறையில் அவ்வீதி சீரமைக்கப்படாததனால் தற்போது பாரிய அளவில் வெடிப்புக்கள் தோன்றியுள்ளன. சுமார் ஒன்றரை அடிவரை நிலம் தாழிறக்கத்திற்கு உட்பட்டுள்ளதுடன் ஒருவழி பாதையிலும் பாரிய வெடிப்புக்கள் காணப்படுகின்றன.